சிலம்பம் அசோஸியேஷன் ஆப் இந்தியா சார்பில் சமீபத்தில் கோயம்புத்தூரில் நடந்த தேசிய அளவிலான சிலம்பம் போட்டியில் திருவள்ளூர் மாவட்டம் செங்குன்றம் சி.பா. ஆதித்தனார் சிலம்ப கலைக்கூடம் சார்பில் ஆறு மாணவர்கள் தங்கம் வென்றனர். சி.பா. ஆதித்தனார் சிலம்ப கலைக்கூட ஆலோசகர். சுகு. பூப்பாண்டியன். செயலாளர்.சிலம்பச்செம்மல். ஆர். முருககனி ஆசான் ஆகியோர் தங்கம் வென்ற மாணவர்களுடன் மத்திய அரசு மீன் வளம். கால்நடை பால்வளம் மற்றும் தகவல் ஒலிபரப்புத்துறை இணை அமைச்சர். எல். முருகனை சந்தித்து பாராட்டும். வாழ்த்தும் பெற்றனர். தங்கம் வென்ற மூன்று மாணவிகளும் அரசு பள்ளியில் படித்து வருபவர்கள் என்பது குறிப்பிடத்தக்கது. தமிழ்நாடு மட்டும் அல்லாமல் தேசிய அளவில் சிலம்பம் வளர்ச்சி பெற அரசு உரிய நடவடிக்கை எடுக்கும் என்று மத்திய இணை அமைச்சர். எல்.முருகன் உறுதி பட தெரிவித்தார்.
Please follow and like us:
