விஜய் த மாஸ்டர் !!!
‘விஜய் த மாஸ்டர்’ – இந்தியா முழுவதும் வெளியாகும் ‘மாஸ்டர்’
லோகேஷ் கனகராஜ் இயக்கத்தில், அனிருத் இசையமைப்பில், விஜய், விஜய் சேதுபதி, மாளவிகா மோகனன் மற்றும் பலர் நடிக்கும் படம் ‘மாஸ்டர்’.
இப்படத்திற்கான சென்சார் முடிந்து ‘யு-ஏ’ சான்றிதழ் வழங்கப்பட்டுள்ளது. பொங்கலை முன்னிட்டு படம் வெளியாகும் என்று தெரிகிறது. இன்னும் தேதியை மட்டும் அதிகாரப்பூர்வமாக அறிவிக்காமல் உள்ளார்கள்.
விஜய் படம் பொதுவாக தென்னிந்தியாவில் மட்டும்தான் அதிகம் வெளியாகும். வட இந்தியாவில் தமிழர்கள் வசிக்கும் மும்பை உள்ளிட்ட ஒரு சில மாநகரங்களில் மட்டும்தான் வழக்கமாக வெளிவரும்.
ஆனால், ‘மாஸ்டர்’ படத்தை ஹிந்தியிலும் டப்பிங் செய்து இந்தியா முழுவதும் வெளியிட வேண்டும் என விஜய் ரசிகர்கள் கோரிக்கை வைத்தார்கள். அதை ஏற்ற தயாரிப்பு நிறுவனம் படத்தை டப் செய்து ‘விஜய் த மாஸ்டர்’ என்ற பெயரில் வெளியிட உள்ளார்கள். இதற்கான அதிகாரப்பூர்வ அறிவிப்பு சற்று முன் வெளியானது.
பிரபல தயாரிப்பு மற்றும் வினியோக நிறுவனமான B4U நிறுவனம் மூலம் ஹிந்தியில் வெளியிட உள்ளார்கள்
