அஜித் நடித்த வரலாறு படத்திற்கு பிறகு 14 ஆண்டுகள் கழித்து அஜித்தின் வலிமை படத்தில் அம்மா, மகன் இடையேயான
சென்டிமென்ட் காட்சியை படம் பிடித்துள்ளார்கள்
ஹெச். வினோத் இயக்கத்தில் அஜித் நடித்து வரும் படம் வலிமை. ஹைரபாத்தில் உள்ள ராமோஜிராவ் ஃபிலிம் சிட்டியில் படப்பிடிப்பு நடிந்து வந்தபோது கொரோனா வைரஸ் பிரச்சனை ஏற்பட்டது. இதையடுத்து பல மாதங்களாக நிறுத்தி வைக்கப்பட்டிருந்த படப்பிடிப்பை கடந்த அக்டோபர் மாதம் துவங்கினார்கள்.
.
ராமோஜிராவ் ஃபிலிம் சிட்டியில் மீண்டும் துவங்கிய படப்பிடிப்பின்போது பைக் ஸ்டண்ட் காட்சியை படமாக்கினார் வினோத். அப்பொழுது அஜித் பைக்கில் இருந்து கீழே விழுந்து காயம் ஏற்பட்டது. திட்டமிட்டபடி அந்த ஷெட்யூலை முடிக்க வேண்டும் என்று காயத்தையும் பொருட்படுத்தாமல் நடித்துக் கொடுத்துள்ளார் அஜித்.
இந்நிலையில் வலிமை படம் குறித்த சுவாரஸ்யமான தகவல் வெளியாகியுள்ளது. அதாவது வலிமை படத்தில் பார்ப்பவர்களை ஃபீல் பண்ணச் செய்யும் வகையில் அம்மா, மகன் சென்டிமென்ட் காட்சி இருக்கிறதாம். படத்தின் முக்கிய காட்சிகளில் இதுவும் ஒன்றாம். மேலும் தாய்மையை கொண்டாடும் வகையில் ஒரு பாடலும் வைத்துள்ளார்களாம்.
ரேஸிங்கை பற்றிய படம் என்றாலும் அம்மா-மகன் பாசம், காதல் என்று பலதரப்பட்ட எமோஷன்களும் இருக்கிறதாம்.
வலிமையில் அஜித்துக்கு அம்மாவாக சீனியர் நடிகை சுமித்ரா நடிக்கிறாராம். முன்னதாக வீரம் படத்தில் தமன்னாவின் அம்மாவாக, அஜித்துக்கு மாமியாராக நடித்தார் சுமித்ரா. அஜித் அண்மை காலமாக தங்கச்சி, மகள், தம்பி சென்டிமென்ட படங்களில் தான் நடித்து வருகிறார்.
முன்னதாக கே.எஸ். ரவிகுமார் இயக்கத்தில் அஜித் நடிப்பில் கடந்த 2006ம் ஆண்டு வெளியான வரலாறு படத்தில் தான் அம்மா, மகன் சென்டிமென்ட் இருந்தது. அதன் பிறகு 14 ஆண்டுகள் கழித்து வலிமை படத்தில் அந்த சென்டிமென்ட் இருக்கிறது.
வலிமை படத்தின் இறுதிகட்ட படப்பிடிப்பு விரைவில் துவங்கவிருக்கிறது. படத்தில் வரும் முக்கியமான காட்சிகளை இந்தியாவில் அல்ல வெளிநாட்டில் மட்டும் தான் படமாக்க முடியும் என்று வினோத் தெரிவித்தார். வெளிநாட்டு ஷெட்யூல் என்ன ஆனது என்பது தெரியவில்லை.
வலிமை படத்தில் அஜித் போலீஸ் அதிகாரியாக நடிக்கிறார். படம் குறித்து அப்டேட் எதுவும் இல்லாதது ரசிகர்களை கவலை அடையச் செய்துள்ளது. இந்நிலையில் புத்தாண்டு ஸ்பெஷலாக வலிமை படத்தின் மோஷன் போஸ்டர் வெளியாகும் என்று கூறப்படுகிறது.
